Gustavo Adolfo Bécquer: Poemoj, parto I

Ĉu volas vi, ke de nektaro franda
ne naŭzu vin la feĉ’?
Do flaru ĝin, gustumu iom lipe
kaj surtabligu re.

Ĉu volas vi, ke ni konservu dolĉon
de nia idili’?
Do ni tre amu nune nin, kaj morgaŭ
ni diru jam: -Adi’!

Aŭtoro: Gustavo Adolfo Bécquer

Tradukita de Fernando de Diego [eo.wikipedia.org]

Pri la Aŭtoro: Li naskiĝis en Sevilo kaj lia vivo estis markata de malriĉo kaj sufero. Li amis du virinojn kiuj ne amis lin; lia edzino forlasis lin. Li spertis ankaŭ malbonan sorton profesie: li volis esti pentristo, sed li devis esti verkisto kaj ĵunaristo; tamen li estis maldungita ofte. Li malsaniĝis je tuberkulozo je sia 21-a jaro kaj pro tio mortis post dek tri jaroj.